Danas je Šimundan

Radio Tivat:

U kalendaru Rimokatoličke crkve danas se obilježava Dan apostola svetaca: Šimuna i Jude Tadeja. Brojne tivatske starosjedilačke familije danas slave Dan Svetog Šimuna, koji je do 1734 godine bio zaštitnik Tivta, odnosno patron mjesta, kada tu ulogu preuzima Sveti Anton – izgradnjom istoimene crkve.
U kalendaru Rimokatoličke crkve danas se obilježava Dan dvojice apostola – svetaca: Šimuna i Jude Tadeja, koji su propovjedali evanđelje u Edesi u Persiji. Šimun je podnio mučeništvo presječen testerom pa se stoga na slikama sa njom prikazuje i zaštitnik je drvosječa.
Prema arhivskim podacima, crkva posvećena Svetom Šimunu , oko koje se nalazi i danas aktivno katoličko groblje, postojala je još u 14.vijeku. Postojeća crkva posvećena njemu pretpostavlja se da je sagrađena u 17.stoljeću i predstavlja parohijalnu crkvu sve do 1734.godine. Od tog vremena crkva sv.Šimuna je grobljanska kapela.
Za većinu tivatskih starosjedilačkih obitelji 28.oktobar ima posebno značenje- slavi se kao krsno ime. Šimundan se kao blagdan obilježava u kućama Andrića, Goluba, Krstovića, Vuksanovića, Marića, Škanata, Belana, Staničića, Ercega, Tripovića, Sindika, Rajčevića, Petkovića i drugih.

Nazdravlje vam Sveti Šimun!