PROSLAVLJEN SV.ANTON I OTVORENA CRKVA U LEPETANIMA

Radio Tivat: U Lepetanima je, nakon rekonstrukcije, večeras  otvarena  crkva sv. Antona, koga Tivćani, kao patrona, slave od 18.vijeka. Tim povodom  upriličena je i svečana sv. Misa  koju je predvodio biskup kotorski monsinjor Ilija Janić, a pjevao je mješoviti zbor Kotorske katedrale.

Rekonstrukcija je trajala mjesec dana. Otvaranju crkve i proslavljanju Sv. Antona, čije ime crkva nosi, prisustvovao je, pored Lepetanaca, veliki broj vjernika sa područja tivatske  opštine.

Monsinjor Ilija Janjić na početku je kazao:
“Evo nas u obnovljenoj crkvi koja je još ljepša nego što je bila, ali sa obnovljenom dušom trebamo pristupiti ovoj Svetoj misi. Ako obnovljena duša, kada ja želim sve ono što priječi moj pristup Bogu, a to je grijeh da to izbacim iz sebe. Pokajmo se za svoje grijehe, da tako dostojno i čiste duše proslavimo ova sveta otajstva. Sveti Anton je u sebi bio sav u bjelini. On je živio u jednoj čistoći.”
Po završetku sv. Mise, blagoslovljena su djeca, kruh i cvijeće, a slavlje je nastavljeno uz gozbu i druženje.